Hər bir səhm haqqında məlumat onun işarəsi, tiker və ya qiyməti altında yerləşir. Üzərinə kliklədikdə müəyyən bir dövr üçün səhmlərin fəaliyyətini, həmçinin şirkətin ümumi icmalını, kapitallaşmasını, həcmin, dividend ölçüsünü və P/E əmsalını görmək mümkündür.

Xeyr, istəyimizdən asılı olmayaraq, səhm və kriptovalyuta alışı və satışı ilə bağlı məsləhət vermək səlahiyyətimiz yoxdur. Məsuliyyət həmişə qərarları qəbul edənlərin üzərinə düşür.

ABŞ fond bazarının öz iş saatları var, ona görə də bazar bağlı olduğu halda səhmləri almaq və ya satmaq mümkün deyil. İndi bazar “yay vaxtı” ilə işləyir: maliyyə əməliyyatları iş günlərində, Bakı vaxtı ilə saat 17:30-dan 00:00-dək həyata keçirilə bilər. Bazar həftə sonları və bəzi ABŞ bayramlarında bağlı olur.

Günün istənilən vaxtı kriptovalyuta alıb sata bilərsiniz. Tezliklə siz həmçinin bazarın bağlı olduğu saatlarda səhmlər və ya fond indeksləri ilə ticarət edə biləcəksiniz. Bunun üçün biz ticarəti pre-market time ilə başlayırıq. Bu o deməkdir ki, başqa bir müştəri razılaşdırılmış qiymətə mövqeləri almaq və ya satmaq istəyərsə, müştərinin sifarişləri qeydə alınır. Bununla belə, nəzərə almaq lazımdır ki, səhmlərin bazardan əvvəlki dövrdəki dəyəri ticarət sessiyası zamanı olan dəyərindən fərqli ola bilər.

“Sərmayələr” menyusunun əsas səhifəsində “Portfel” bölməsi mövcuddur. Orada həm hesabın ümumi balansını, həm də portfeldəki hər bir səhm üzrə göstəriciləri görə bilərsiniz.

Səhmlərin saxlanması Azərbaycan qanunvericiliyinə uyğun olaraq tərəfdaşımız UniCapital tərəfindən həyata keçirilir. Müştərilərin bütün aktivləri brokerin öz aktivlərindən ayrı saxlanılır. Eyni zamanda, hər bir müştərinin səhmləri Unicapital-da ayrıca müştəri hesablarında uçota alınır. Unicapital depozitar deyil, lakin öz müştərilərinə maliyyə alətləri ilə əməliyyatlarla bağlı qiymətli kağızlar hesabının idarə edilməsi xidmətləri göstərmək hüququna (müvafiq lisenziyaya) malikdir. Səhmlər üzrə son hüquqlar (məsələn, dividend almaq hüququ) son sahiblərə, yəni müştərilərimizə məxsusdur.

Səhmlərin və kriptovalyutaların alış-veriş xidmətini təqdim edən Leobank, vergi orqanı olmadığı üçün müştərilərdən VÖEN tələb etmir və müştərilər üçün vergi ödəmir. Vergi ödənişinin zəruri ola biləcəyini nəzərə alaraq və həmçinin sizin fərdi məsələnizə uyğun olan bütün məlumatları əldə etmək üçün müvafiq orqanla əlaqə saxlamağınızı tövsiyə edirik.

Sərmayə riskləri mövcuddur, ona görə də bazarın vəziyyətini və səhmlərini almaq istədiyiniz şirkətləri izləmək vacibdir. Risklər haqqında ətraflı məlumatı Baş Müqavilənin ictimai hissəsinin “Risk Faktorlarının Bəyannaməsi” bölməsində oxuya bilərsiniz.

Səhm ticarəti zamanı siz yatırılan vəsaitləri həm qazana, həm də itirə bilərsiniz. Məsələn, portfelinizdəki səhmləri onların alış qiymətindən aşağı satsanız, alış qiyməti ilə satış qiyməti arasındakı fərqi itirmiş olacaqsınız.